Friday, December 31, 2010

Fabula Facilis: Aesopus et Arcus

Aesopus in puerorum turba nucibus ludit.
Vir quidam eum videt cum pueris ludentem.
Vir Aesopum quasi delirum ridet.
Aesopus hoc sentit, sed nihil dicit.
(Scilicet derisor Aesopus est, non deridendus.)
Aesopus, tacitus, arcum tendit.
Arcum tensum in media via ponit.
Tunc Aesopus viro dicit,
"Heus, sapiens!
Quid significat arcus hic positus?"
Concurrit populus et spectat.
Vir ille diu se torquet,
sed quaestionis causam non intellegit.
Novissime succumbit et dicit,
"O Aesope, nescio!"
Tum Aesopus victor ei dicit,
"Cito arcum rumpes, si tensus est.
Arcus laxatus semper erit tibi utilis."
Aesopus hoc modo nos docet:
Aliquando ludere debemus,
ut ad cogitandum meliores redeamus.

This story is based on 885. Aesopus et Arcus.
Aesopus et Arcus

Click here for a SLIDESHOW of all the Bewick images. You can see the boys playing off in the distance, too!

M0885 Perry505

Wednesday, December 29, 2010

Fabula Facilis: Carbonarius et Fullo


Carbonarius spatiosam habet domum.
Invitat fullonem his verbis,
"O fullo, domus mea spatiosa est.
Ad me commigrare debes."
Fullo carbonario respondet,
“Inter nos societas esse non potest.
Ego vestes reddo nitidas,
sed tu eas fuligine et maculis inquinas."

This story is based on 863. Carbonarius et Fullo.
Fullo et Carbonarius

Click here for a SLIDESHOW of all the Salomon images.
carbonarius - collier, charcoal-burner
et - and
fullo - fuller, cloth-fuller
spatiosus - spacious, large
habeo - have
domus - house, home
invito - invite
hic - this, this one
verbum - word
O - o! oh!
meus - my, mine
sum - be, exist
ad - to, toward
ego - I, me
commigro - relocate
debeo - should, owe, ought
respondeo - reply
inter - among, between
nos - we, us
societas - alliance, partnership
non - not, no
possum - can, be able
vestis - clothes, garment
reddo - return, restore
nitidus - shining, clean
sed - but
tu - you
fuligo - soot, lamp-black
macula - spot, stain
inquino - stain, smear
M0863 Perry029

Monday, December 27, 2010

Fabula Facilis: Simia et Catuli Eius


Animalia olim contendunt.
"Quis liberos pulcherrimos habet?" quaerunt.
Omnia animalia adsunt cum liberis suis.
Venit simia quoque,
et catulos suos brachio gestat.
Cum simiam vident,
cetera animalia rident.
Continuo simia exclamat,
"Immo catuli mei sunt aliis longe pulchriores!"

This story is based on 107. Simia et Catuli Eius. Notice that in the image it is Zeus, depicted as a human king, who is the judge in the beauty contest of the baby animals.

Simia et Iuppiter - Osius

Click here for a SLIDESHOW of all the Osius images.
simia - monkey, ape
et - and
catulus - baby, offspring
is - he/she/it
animal - animal
olim - once, once upon a time
contendo - have a contest, compete
quis - who
liberi - children
pulcher - beautiful, handsome
habeo - have
quaero - ask, inquire
omnis - all, every
adsum - be present, attend
cum - with, together with
suus - reflexive possessive adjective
venio - come, arrive
quoque - also
brachium - arm
gesto - carry, bear
cum - when
video - see
ceterus - rest, remaining
rideo - laugh, mock
continuo - immediately, without delay
meus - my, mine
sum - be, exist
alius - other, another
longe - at a distance, by far
M0107 Perry364

Saturday, December 25, 2010

Fabula Facilis: Perdix et Galli


Homo quidam domi gallos habet.
Perdicem emit
et eam alit saginatque cum gallis.
Galli autem perdicem mordent
et abigunt.
Perdix igitur apud se afflictata est.
Sic existimat,
"Galli me mordent et abigunt
quod gallus non sum.
Genus meum alienum est
a gallorum genere."
Sed non multo post,
gallos aspicit
mutuo pugnantes et percutientes.
Perdix a tristitia recreata est et dicit,
"Post haec amplius tristis non ero.
Galli me mordent et percutiunt,
sed gallos video
pugnantes etiam inter se!"

This story is based on 525. Perdix et Galli.
Perdix et Galli Pugnantes

Click here for a SLIDESHOW of all the Rabier images.
perdix - partridge
et - and
gallus - rooster
homo - person, man
quidam - a, a certain, one
domus - home
habeo - have
emo - buy, purchase
is - he/she/it
alo - nourish, raise
sagino - fatten up
-que - and
cum - with, together with
autem - but, however
mordeo - bite
abigo - drive away, chase away
igitur - therefore
apud - at (the house of), with
se - reflexive pronoun
affligo - damage, crush, afflict
sic - thus, in this way
existimo - think, suppose
ego - I, me
quod - because
non - not, no
sum - be, exist
genus - type, stock, family
meus - my, mine
alienus - other, another, belonging to another
a - from
sed - but
multus - much, many, a lot
post - after, afterwards
aspicio - see, observe
mutuo - one another, mutually
pugno - fight
percutio - strike, hit
tristitia - sadness
recreo - restore, revive
dico - say, speak
hic - this, this one
amplius - further, more
tristis - sad
video - see
etiam - and, even, also
inter - among, between
M0525 Perry023

Thursday, December 23, 2010

Fabula Facilis: Aquila et Leo, Amici


Aquila leoni advolat et dicit,
"Me sociam recipe!"
Leo aquilae dicit,
"Quid vetat?
Sed pennas tuas celeres video.
Pignus ergo mihi dare debes.
Si pignus amicitiae mihi das,
scio te pactum amicitiae non deserturam.
Quomodo enim tibi amicae confidam
non domisedae?"

This story is based on 406. Aquila et Leo, Amici.



aquila - eagle
et - and
leo - lion
amicus - friend, friendly
advolo - fly up to
dico - say, speak
ego - I, me
socius - ally, associate
recipio - receive, accept
quid - what
veto - forbid, prohibit
sed - but
penna - feather
tuus - your, yours
celer - swift, fast
video - see
pignus - pledge, token, promise
ergo - therefore
do - give
debeo - must, should, ought
si - if
amicitia - friendship
scio - know
tu - you
pactum - agreement, pact
non - not, no
desero - forsake, abandon, quit
quomodo - how, in what way
enim - for, as a matter of fact
confido - have confidence in, believe
domiseda - she who stays at home
M0406 Perr335

Tuesday, December 21, 2010

Fabula Facilis: Corvus et Mercurius


Corvus laqueo captus est.
Misera avis Apollinem precatur,
"O Apollo, opem mihi adfer!
Si me adiuvas, tibi tus offeram!"
Ecce: corvus mox a periculo liberatus est.
Sed promissi oblitus est, et tus non offert.
Rursus autem in laqueum incidit.
Sed Apollinem omittit
et Mercurium hac vice precatur,
"O Mercurius, opem mihi adfer!
Si me adiuvas, tibi tus offeram!
Ego tibi ex toto corde hoc voveo!"
At Mercurius corvo dicit,
"O pessime, quomodo tibi credere possum?
Apollo te servavit, et eum illudis et laedis!"
Fabula docet:
Si in beneficos ingratus es,
in calamitate nullum auxilium habebis.

This story is based on 443. Corvus et Mercurius.

(image source: Apollo and a crow)

corvus - crow
et - and
Mercurius - Mercury, Hermes
laqueus - noose, snare, trap
capio - capture, catch
miser - wretched, unfortunate, unlucky
avis - bird
Apollo - Apollo
precor - beg, implore, pray
O - o! oh!
ops - power, help, resources
ego - I, me
adfero - bring to
si - if
adiuvo - help
tu - you
tus - incense
offero - present, offer
ecce - behold, look
mox - soon, shortly, next
a - from
periculum - dange, peril
libero - set free, release, liberate
sed - but
promissum - promise
obliviscor - forget
non - not, no
rursus - again
autem - but, however
in - in, into
incido - fall into
omitto - let go, disregard, omit
hic - this, this one
vice (ablative) - time, turn
ex - from
totus - whole, entire
cor - heart
voveo - vow, pledge, promise
at - but, on the other hand
dico - say, speak
pessimus - worst, very bad
quomodo - how
credo - believe, trust
possum - can, be able
servo - save, keep safe, preserve
is - he/she/it
illudo - mock, dupe, scoff
laedo - harm, injure, hurt
fabula - story, tale, fable
doceo - teach
beneficus - kind, generous
ingratus - ungrateful
sum - be, exist
calamitas - disaster, loss, defeat
nullus - none, not any
auxilium - help
habeo - have
M0443 Perry323

Sunday, December 19, 2010

Fabula Facilis: Asinus et Viatores Duo


Duo viatores in solitudine errant.
Ecce, asinum vident!
Accurrunt, laeti, et asinum capiunt.
Mox autem contentio inter eos est:
quis asinum domum abducet?
Hic viator clamat,
"Ego prior asinum vidi,
et ego mihi asinum vindico."
Ille viator clamat,
"Haudquaquam!
Ego prior asinum vidi,
et ego mihi asinum vindico."
Dum viatores de asino sic clamant,
asinus aufugit
et neuter lucrum facit.
Si duo litigant, tertius gaudet!

This story is based on 241. Asinus et Viatores Duo.
Asinus Controversus

Click here for a SLIDESHOW of all the Harrison Weir images.
asinus - donkey
et - and
viator - traveler
duo - two
in - in, into
solitudo - wilderness, desert
erro - wander, go astray
ecce - behold, look
video - see
accurro - run to, run up to
laetus - happy
capio - catch, capture
mox - soon, shortly, next
autem - but, however
contentio - argument, struggle
inter - among, between
is - he/she/it
sum - be, exist
quis - who
domus - home
abduco - lead away, take
hic - this, this one
clamo - shout
ego - I, me
prior - first, earlier
vindico - claim, lay claim
ille - that, that one
haudquaquam - no way, not
de - about
sic - thus, in this way
aufugio - run away, flee
neuter - not either, neither
lucrum - profit, gain
facio - make
si - if
litigo - go to court, dispute
tertius - third
gaudeo - rejoice, be happy
M0241 (not in Perry)

Friday, December 17, 2010

Fabula Facilis: Asinus et Grammaticus


Grammaticus quidam dicit,
"In arte mea excellens sum!
Si merces digna dabitur,
non modo pueros,
verum etiam asinum docebo!"
Princeps grammatici temeritatem audit.
Princeps grammatico dicit,
"Si quinquaginta aureos tibi dabo,
intra decem annos asinum legere docebis?"
Grammaticus impudens respondet,
"Certe asinum legere et scribere docebo!
Si in hoc spatio temporis hoc non facio,
O princeps, me occidere potes!"
Amici hoc audiunt et admirantur.
Sic eum increpant, dicentes,
"Amice, rem non modo difficilem
verum etiam impossibilem facere promittis!
Post decem annos,
asino legere et scribere nesciente,
princeps te occidet!"
Grammaticus amicis respondet,
"Amici mei, ne timeatis!
In hoc decennio,
aut asinus morietur,
aut princeps,
aut ego."

This story is based on 239. Asinus et Grammaticus.
Grammaticus et Asinus

Click here for a SLIDESHOW of all the Brant images. It looks like the donkey thinks the lesson book is very tasty! :-)
asinus - donkey
et - and
grammaticus - scholar, teacher
quidam - one, a, a certain
dico - say, speak
in - in, into
ars - art, skill
meus - my, mine
excellens - outstanding, excellent
sum - be, exist
si - if
merces - pay, salary, reward
dignus - worthy
do - give
non - not, no
modo - only (= tantummodo)
puer - boy
verum - truly
etiam - also
doceo - teach
princeps - prince
temeritas - boldness, audacity
audio - hear, listen
dico - say, speak
si - if
quinquaginta - fifty
aureus - gold, gold coin
tu - you
intra - within, inside of
decem - ten
annus - year
lego - read
impudens - shameless, bold
respondeo - answer, reply
certe - certainly, for sure
scribo - write
hic - this, this one
spatium - space, extent
tempus - time
non - not, no
facio - make, do
O - o! oh!
ego - I, me
occido - kill
possum - can, be able
amicus - friend
admiror - wonder, be amazed
sic - in this way, thus
is - he/she/it
increpo - rebuke, criticize, chide
res - thing, business
difficilis - difficult, hard
impossibilis - impossible
promitto - promise
post - after
nescio - not know, not be able to
ne - not, do not, so that not
timeo - be afraid, fear
decennium - ten year period
aut - or
aut...aut... - either...or...
morior - die

M0239 Perry722

Friday, December 10, 2010

Fabula Facilis: Lupus et Canis Saginatus


Lupus macer est;
canis autem pinguis est et bene saginatus.
Lupus canem videt bene saginatum et dicit,
"Quanta est felicitas tua!
Tu, ut video, laute vivis,
sed ego fame enecor."
Tum canis lupo dicit,
"Si mecum in urbem venis,
tu quoque laute vivere potes."
Lupus conditionem accipit.
Dum una eunt,
lupus canis collum animadvertit.
In canis collo attritos pilos videt.
Lupus dicit,
"Quid hoc est?
Num iugum sustines?
Cervix enim tua tota est glabra."
Canis respondet,
"Nihil est!
Homines die me alligant
et nocte liber vigilo.
Haec collaris vestigia in collo vides."
Tum lupus cani dicit,
"Vale, amice!
Mihi non placet felicitas tua, servitute empta."

This story is based on 99. Lupus et Canis Saginatus.
Canis et Lupus

Click here for a SLIDESHOW of all the Harrison Weir images. Notice that this illustration shows the dog hobbled with a "clog" to keep him from straying.

lupus - wolf
et - and
canis - dog
saginatus - fattened up, fatted
macer - thin
sum - be, exist
autem - but, however
pinguis - fat
bene - well, fully
video - see
dico - say, speak
quantus - how much, how great
felicitas - happiness, good fortune
tuus - your, yours
tu - you
ut - as
laute - splendidly, richly
vivo - live
sed - but
ego - I
fames - hunger
eneco - kill, kill off
tum - then
si - if
cum - with, together with
in - in, into
urbs - city
venio - come
quoque - also
possum - can, be able
conditio - agreement, proposal
accipio - accept, receive
dum - while
una - together
eo - go
collum - neck
animadverto - notice
attritus - rubbed, worn
pilus - hair
quid - what
hic - this, this one
num - question word (expects negative answer)
iugum - yoke
sustineo - support, sustain, bear
cervix - neck
totus - whole, entire, all
glaber - hairless, smooth
respondeo - answer, reply
nihil - nothing
homo - person, man
dies - day
alligo - tie up, bind, chain
nox - night
liber - free, at liberty
vigilo - keep watch
collare - collar, neckband
vestigium - track, trace, footprint
valeo - be well, fare well
amicus - friend
placeo - please
servitus - servitude, slavery
emptus - bought
M0099 Perry346

Wednesday, December 08, 2010

Fabula Facilis: Struthiocamelus et Gallina

Struthiocamelus alas habet, sed non volat.
Alae eius in cursu ad pernicitatem adiuvant,
sed struthiocamelum in sublime non extollunt.
Stuthiocamelus in ardua rupe stat.
Volare cupit, sicut reliquae aves.
Se ad volatum incitat, reliquas aves imitans.
Gallina struthiocamelum videt et ei dicit,
"O struthiocamele, volare cupis;
cave ne amittas ambulandi facultatem.”
Struthiocamelus gallinam deridet.
Tunc alas pandit et de rupe se deiicit.
Corporis pondus struthiocamelum affligit
ad terram.
Eius crura fracta sunt, et ambulare non potest!
Fabula docet: contra naturam ne contendas!

This story is based on 405. Struthiocamelus et Gallina.
Struthiocamelus Volans

Click here for a SLIDESHOW of all the Desbillons images.
M0405 (not in Perry)

Monday, December 06, 2010

Fabula Facilis: Ursa et Vulpes


Ursa se magnifice iactat,
"Prae ceteris animalibus,
ego hominis amica sum,
quod humanis cadaveribus non comedo!"
Vulpes haec audit et ridet.
Tunc ursae dicit,
“O utinam eos mortuos
devorares,
non vivos!”

This story is based on 130. Ursa et Vulpes.
Ursus Superbus et Vulpes

Click here for a SLIDESHOW of all the Arthur Rackham images.
ursa - bear
et - and
vulpes - fox
se - reflexive pronoun
magnifice - proudly, splendidly
iacto - throw; boast, discuss
prae - before, ahead of
ceterus - other, the rest
animal - animal
ego - I, me
homo - person, man
amicus - friendly, friend
sum - be, exist
quod - because
humanus - human
cadaver - cadaver, dead body
non - not, no
comedo - eat
hic - this, this one
audio - listen, hear
rideo - laugh
tunc - then
dico - say, speak
O - o! oh!
utinam - if only
is - he/she/it
mortuus - dead
devoro - devour, consume
vivus - living, alive
M0130 Perry288

Saturday, December 04, 2010

Fabula Facilis: Avarus et Poma Marcescentia


Vir valde avarus est.
Poma in horto eius pulcherrima sunt,
quasi poma in hortis Alcinoi et in hortis Hesperidum.
Vir poma plurima colligit, sed parce comedit.
Comedere vero non audet, nisi poma iam corrupta sunt.
Vir ille avarus est, sed filius eius liberalis.
Amicos ad pomaria ducit et poma eis dat, dicens,
"Accipite ex his omnia poma quae vultis,
praeter poma corrupta et marcescentia.
Comedere huius modi poma patri meo placet."
Amici huic praecepto libenter obtemperant!

This story is based on 984. Avarus et Poma Marcescentia.


avarus - miser, greedy person
et - and
pomum - fruit, apple
marcesco - wither, shrivel
vir - man
valde - very, strongly
sum - be, exist
in - in, into
hortus - garden, orchard
is - he/she/it
pulcher - lovely, beautiful
quasi - as if
Alcinous - King Alcinous
Hesperides - Hesperides
plurimus - very many
colligo - gather, collect
sed - but
parce - sparingly
comedo - eat
vero - truly, in fact
non - not, no
audeo - dare
nisi - unless
iam - now, already
corrumpo - spoil, rot, corrupt
ille - that, that one
filius - son
liberalis - generous
amicus - friend
ad - to, towards
pomarium - orchard
duco - lead, conduct
do - give
dico - say, speak
accipio - receive, accept, take
ex - from, out of, of
omnis - all, every, whole
qui - who, which, that
volo - wish, will, want
praeter - except for, besides
modus - mode, manner, size
pater - father
meus - my, mine
placeo - please
praeceptum - lesson, order, precept
libenter - freely, gladly
obtempero - obey, comply
M0984 (not in Perry)

Thursday, December 02, 2010

Fabula Facilis: Simius et Circulator


Circulator splendide vestitus est,
ornamenta aurea gerens.
Simius circulatorem pulchre vestitum vidit.
Simius eum precibus fatigat, dicens,
"Ego quoque vestem similem volo!"
Da mihi vestem et ornamenta, precor!"
Circulator simio dicit,
"Hoc tibi promitto, sed hac conditione:
catenulam quoque accipere debes.
Si catenulam accipis,
vestem pulchram tibi do."
Circulator simio vestem profert.
Vestis auro distincta est et valde pulchra.
Simius splendoris vestis mirifice cupidus est!
Simius vestem accipit, cum catenula.
Vestem induit et catenula quoque alligatus est.
Ita simius servitutem postea in vinculis patitur!

This story is based on 129. Simius et Circulator.
0312 De simia et histrione

Click here for a SLIDESHOW of all the Speculum Sapientiae images.
simius - monkey
et - and
circulator - performer, vendor
splendide - splendidly
vestitus - dressed
sum - be, exist
ornamentum - decoration, jewel
aureus - gold, golden
gero - bear, carry, wear
pulchre - beautifully
video - see
is - he/she/it
prex - request, prayer
fatigo - weary, tire, harass
dico - say, speak
ego - I, me
quoque - also
vestis - garment, clothes
similis - similar, like
volo - want, will, wish
do - give
precor - ask, beg, pray
hic - this, this, one
tu - you
promitto - promise
sed - but
conditio - condition, requirement
catenula - little chain (catena)
accipio - accept, receive
debeo - should, must, ought
pulcher - beautiful, lovely
profero - offer, extend to
aurum - gold
distinctus - distinguished, adorned
valde - very, strongly
splendor - splendor
mirifice - wonderfully
cupidus - desirous, wanting
cum - with, together with
induo - put on
alligo - bind, tie
ita - thus, in this way
servitus - servitude, slavery
postea - afterwards, after
in - in, into
vinculum - chain, bond, fetter
patior - suffer, endure
M0129 (not in Perry)

Tuesday, November 30, 2010

Fabula Facilis: Rusticus et Coluber


Coluber in alta nive iacet.
Frigore prope enectus est.
Rusticus colubrum reperit.
Misericors, domum fert.
Rusticus colubrum ad focum adiicit.
Coluber ab igni vires et virus recipit.
Calefactus, flammam amplius non fert.
Sibilando, coluber totum tugurium inficit.
Rusticus sudem corripit et accurit.
Cum colubro iniuriam expostulat,
verbis et verberibus.
Rusticus ei dicit,
"Bestia ingratissima!
Vitam mihi eripere vis,
sed vitam tuam mihi debes!"

This story is based on 829. Rusticus et Coluber.
rusticus et coluber

Click here for a SLIDESHOW of all the Barlow images.
rusticus - country man, farmer
et - and
coluber - snake
in - in, into
altus - tall, deep
nix - snow
iaceo - lie, be stretched out
frigus - cold, cold weather
prope - near, nearly, close
enico - kill, kill off
reperio - find
misericors - merciful
domus - house, home
fero - carry, bear
ad - to, towards
focus - fireplace
adiicio - throw, throw at
ab - from, by
ignis - fire
vis - strength, power
virus - poison
recipio - receive, get back
calefactus - made warm, warmed
flamma - flame
amplius - longer, more
non - not, no
sibilo - whisper, hiss
totus - all, whole
tugurium - cottage
inficio - infect, imbue, poison
sudis - log, stake
corripio - snatch up
accuro - run to, run towards
cum - with, together wit
iniuria - injury, wrongdoing
expostulo - complain, remonstrate
verbum - word
verber - lash, whip
is - he/she/it
dico - speak, say
bestia - beast, creature
ingratus - ungrateful
vita - life
ego - I, me
eripio - snatch away, steal
volo - want, will, wish
sed - but
tuus - your, yours
debeo - owe, ought, must
M0829 Perry176

Sunday, November 28, 2010

Fabula Facilis: Fortuna et Puer


Puer super os putei dormit.
Puer stultus est, et socors:
Facile enim est in puteum cadere!
Fortuna puero stulto astat.
Fortuna eum excitat, dicens,
"O iuvenis, exsurge!
Abi hinc cito!
Homines novi et eorum genium:
Si enim in puteum cades,
homines non te incusabunt,
neque tuam secordiam,
sed me, Fortunam, incusabunt!"

This story is based on 813. Fortuna et Puer.

Click here for a SLIDESHOW of all the Grandville images.
Fortuna - Fortune, luck, Lady Luck
et - and
puer - boy
super - above, over
os - mouth
puteus - well
dormio - sleep
stultus - foolish, stupid
socors - stupid, witless
facilis - easy
enim - for, the fact is
in - in, into
cado - fall
asto - stand by, assist
is - he/she/it
excito - aware, arouse
dico - say, speak
O - o! oh!
iuvenis - young, young person
exsurgo - rise up, arise, get up
abeo - go away
hinc - from here
cito - swiftly, quickly
homo - person, man
nosco - know
genius - talent, inclination
si - if
non - not, no
tu - ou
incuso - accuse, blame
neque - and not, nor
tuus - your, yours
secordia - foolishness, stupidity
sed - but
ego - I, me
M0813 Perry174

Friday, November 26, 2010

Fabula Facilis: Anser et Ova Aurea

Anus quaedam anserem alit.
Anser ei quotidie ovum aureum excludit.
Anus avarissima sic existimat,
"Anser in visceribus fodinam auream habet!"
Cupiditate commota, anserem interficit.
Anus viscera perscrutatur.
In visceribus unicum ovum solum invenit.
Anus, spe inani sublactata, exclamat,
"O me infelicem!
O me magnae crudelitatis consciam!
Non modico lucro contenta, omnia perdidi."

This story is based on 571. Anser et Ova Aurea.
Ova Aurea

Click here for a SLIDESHOW of all the Aesop 1660 images.
M0571 Perry087

Wednesday, November 24, 2010

Fabula Facilis: Avara et Gallina


Vidua gallinam habet.
Gallina ei quotidie unum ovum parit.
Vidua largius gallinam alere incipit.
Vidua sic existimat,
"Si gallinam abundantius nutrio,
mihi duo ova parit, vel plura!"
Gallina nimiis alimentis obesior fit.
Sic obesa, ne unum quidem ovum parit!
Fabula docet:
Si maiora concupiscis,
parva quae possides saepe amittis.

This story is based on 982. Avara et Gallina.
Mulier et Gallina Obesa

Click here for a SLIDESHOW of all the Harrison Weir images.
avarus - greedy, avaricious
et - and
gallina - hen
vidua - widow
habeo - have
is - he/she/it
quotidie - daily, every day
unus - one
ovum - egg
pario - produce, give birth to
large - amply, generously
alo - feed, nourish
incipio - begin
sic - thus, in this way
existimo - think, reckon
si - if
abundanter - abundantly, lavishly
nutrio - nourish
ego - I, me
duo - two
vel - or, even
plus - more
nimius - too much, excessive
alimentum - food, feeding
obesus - fat, obese
fio - become
ne...quidem - not...even
fabula - tale, story, fable
doceo - teach
maior - more, greater
concupisco - crave, desire
parvus - small, tiny
qui - who, which, that
possideo - possess
saepe - often
amitto - lose
M0982 Perry058

Monday, November 22, 2010

Fabula Facilis: Cornix et Urna


Cornix sitibunda est.
Urnam reperit, aqua plenam.
Sed urna profunda est.
Quod urna profunda est,
cornix urnam exhaurire non potest.
Cornix aquam effundere conatur,
sed molimen eius vanum est.
Cornix aquam effundere non valet.
Cornix igitur ex arena lapillulos legit.
Lapillulos in urnam iniectat.
Hoc modo aqua levatur et cornix bibit.
Fabula docet:
Necessitas est ingenii mater.

This story is based on 447. Cornix et Urna.
Corvus et Urna

Click here for a SLIDESHOW of all the Heighway images.
cornix - crow
et - and
urna - urn, pot
sitibundus - thirsty
sum - be, exist
reperio - find
aqua - water
plenus - full
sed - but
profundus - deep
quod - because
exhaurio - drink up, drain
non - not, no
possum - can, beable
effundo - pour out
conor - try, attempt
molimen - effort
is - he/she/it
valeo - be strong, be able
igitur - therefore
ex - out of, out from, from
arena - sand
lapillulus - little stone, pebble
lego - gather
in - in, into
iniecto - toss in
hic - this, this one
modus - mode, manner, measure
levo - raise up, elevate
bibo - drink
fabula - story, tale, fable
doceo - teach
necessitas - necessity
ingenium - ingenuity, invention
mater - mother
M0447 Perry390

Saturday, November 20, 2010

Fabula Facilis: Corvus Aquilam Imitans


Aquila de rupe celsa devolat.
Agnum e grege eripit!
Corvus hoc videt et aemulatione movetur.
Vehementi strepitu, corvus in arietem irruit.
Ita ungues in vellere implicat.
Alas movet, sed se explicare non potest.
Pastor corvum videt et prehendit.
Corvi alarum pennas succidit.
Corvum pueris ludibrio praebet.
Corvum ingemit et secum ait,
"Hei mihi! Aquila non sum, sed corvus."

This story is based on 431. Corvus Aquilam Imitans.
0216 Corvus Aquilam Imitans

Click here for a SLIDESHOW of all the Grandville images.
corvus - crow
aquila - eagle
imitor - imitate, copy
de - from, down from
rupes - cliff, rock
celsus - high, lofty
devolo - fly down
agnus - lamb
e - out, out from, from
grex - flock
eripio - grab away, snatch
hic - this, this one, this thing
video - see
aemulatio - rivalry, ambition
moveo - move
vehemens - violent, vigorous
strepitus - crash, noise, racket
aries - ram
irruo - rush into, attack
ita - so, in this way
unguis - claw, talon, nail
vellus - fleece
implico - entangle
ala - wing
sed - but
se - reflexive pronoun
non - not, no
possum - can, be able
pastor - shepherd
prehendo - catch, grab
penna - father
succido - cut down, cut off
puer - boy
ludibrium - plaything, game
praebeo - offer, put forward, present
ingemo - groan, moan
cum - with, together with
aio - say
hei - ah! woe!
ego - I, me
sum - be, exist
M0431 Perry002

Thursday, November 18, 2010

Fabula Facilis: Cancer et Filius Eius


Cancer filio dicit,
"Mi fili, recta via perge!
Semper obliquis gressibus incedis,
sed recta via pergere debes."
Filius respondet,
"Mi pater, tuis praeceptis obsequi volo.
Tu prius hoc fac, et ego libenter faciam."

This story is based on 586. Cancer et Filius Eius.
Cancri Duo

Click here for a SLIDESHOW of all the Heighway images.
cancer - crab
et - and
filius - son
is - he/she/it
dico - say, speak
meus - my, mine
rectus - right, straight
via - way
pergo - go, proceed, walk
semper - always
obliquus - crooked, sideways
gressus - step, pace
incedo - go, walk
sed - but
debeo - must, ought, should
respondeo - reply, answer
pater - father
tuus - your, yours
praeceptum - teaching, instruction
obsequor - follow, obey
volo - want, wish, will
tu - you
prius - first, beforehand
facio - do
ego - I, me
libenter - willingly, gladly
M0586 Perry322

Tuesday, November 16, 2010

Fabula Facilis: Harundo et Quercus


Quercus et harundo de robore disceptant.
Quercus exprobrat harundini mobilitatem.
"Tu ad quamvis exiguam auram tremis!"
Quercus sic dicit, sed harundo tacet.
Paulo post, procella furit.
Quercus procellae resistit.
Procella quercum radicitus evellit.
Sed harundo vento cedit.
Hoc modo harundo locum suum servat.

This story is based on 731. Harundo et Quercus.
quercus et arundo

Click here for a SLIDESHOW of all the Barlow images.
harundo - reed
et - and
quercus - oak
de - about, concerning
robur - strength, robustness, resolve
discepto - debate, dispute
exprobro - criticize, reproach
mobilitas - instablity, mobility
tu - you
ad - to
quivis - whatever, any
exiguus - slight, meager, small
aura - breeze
tremo - tremble, shake
sic - thus, in this way
dico - speak, say
sed - but
taceo - be silent, be quiet
paulo - a little, by a little
post - after, afterwards
procella - storm, gale
furio - rage
resisto - stand up to, resist
radicitus - by the roots
evello - tear up, tear out
ventus - wind
cedo - yield, give way to
hic - this, this one
modus - way, manner, measure
locus - place
suus - reflexive possessive adjective
servo - keep, preserve, save
M0731 Perry070

Sunday, November 14, 2010

Fabula Facilis: Mus et Leonis Gratia


Leo laqueo captus est.
Sic irretitus, nullis viribus se explicare potest.
Leo murem rogat,
"O mus, laqueum abrode et me libera!
Tanti beneficii semper memor ero!"
Mus hoc prompte facit:
laqueum abrodit et leonem liberat.
Mus leonem rogat,
"Filiam tuam mihi trade in uxorem!"
Leo non abnuit.
Hanc rem gratam benefactori suo facit.
Leaena, nova nupta, ad virum venit.
Sed leaena murem non videt!
Casu murem pede premit et conterit.
Fabula docet:
Vota moderanda sunt!
Si quaeris plura quam decet,
mortem tuam festinas.

This story is based on 209. Mus et Leonis Gratia.
leo et mus

Click here for a SLIDESHOW of all the Barlow images. Look closely to see the little mouse underfoot!
mus - mouse
et - and
leo - lion
gratia - favor, thanks
laqueus - net, snare
capio - catch, capture
sic - in this way
irretitus - caught, tangled in a net
nullus - not any, none
vis - strength, power, force
se - reflexive pronoun
explico - untangle, disentangle
possum - can, be able
rogo - ask, inquire
O - o! oh!
abrodo - chew off, chew away
ego - I, me
libero - set free, liberate
tantus - such, so much, so great
beneficium - good deed
semper - always
memor - mindful, remembering
sum - be, exist
hic - this, this one, this thing
prompte - readily, willingly
facio - do, make
filia - daughter
tuus - your, yours
trado - hand over, give
in - in, into
uxor - wife
non - not, no
abnuo - refuse, shake head "no"0
res - thing
gratus - welcome, pleasing
benefactor - someone who does good
suus - reflexive possessive adjective
leaena - lioness
novus - new
nupta - bride
ad - to, towards
vir - man, husband
venio - come
sed - but
video - see
casu - by chance, accidentally
pes - food, paw
premo - press
contero - grind, crush
fabula - story, tale, fable
doceo - teach
votum - prayer, wish, vow
modero - limit, control, slow down
si - if
quaero - seek
plus - more, too much, too many
quam - than
decet - it is fitting, it is appropriate
mors - death
festino - hurry, hasten

M0209 Perry150

Friday, November 12, 2010

Fabula Facilis: Talpa et Tumulus

Talpa latebram tenebricosam sub humo fodit.
Talpa inquit,
"Quam bene lateo in latebra mea!
Olitor me deprehendere non potest,
tam bene latentem."
Latebram suam fodiens,
talpa glaebulas trudit et sursum aggerit.
Hoc modo tumulus fit.
Tumulus talpae operam indicat!
Olitor tumulum advertit et inquit,
"Ubi tumulus, ibi talpa!"
Olitor insidias in talpae latebrae faucibus collocat.
Olitor hoc modo talpam incautam capit.
Fabula docet: malefici semper se produnt.

This story is based on 187. Talpa et Tumulus.



M0187 (not in Perry)

Tuesday, November 09, 2010

Fabula Facilis: Mus in Cervisia

Mus semel cecidit in cervisiam.
Mus pipat quod exire non potest.
Catus transit et murem pipantem audit.
Catus muri ait,
"Quare clamas?"
Mus respondet,
"Pipo quia exire non possum."
Catus dicit,
"Quid mihi dabis, si te extraham?"
Mus dicit,
"Tibi dabo quidquid postulabis."
Catus dicit,
"Hac vice te libero,
sed venire debes si te voco!"
Mus dicit,
"Firmiter hoc promitto."
Catus dicit,
"Iura mihi."
Et mus iurat.
Catus murem extrahit et ire permittit.
Postea catus esurit et ad foramen muris
venit.
Catus muri dicit,
"Ad me nunc exi!"
Mus dicit,
"Hoc facere nolo."
Catus dicit,
"Nonne iurasti mihi?"
Mus respondet,
"Frater
Catus, ebria fui, quando iuravi."
This story is based on 202. Mus in Cervisia.



M0202 Perry615

Sunday, November 07, 2010

Fabula Facilis: Culex et Apes

In hiberno tempore, culex dicit,
"Ego fame et frigore pereo!"
Culex ad apium alvearia accedit.
Ab apibus cibum et hospitium petit,
"O apes, cibum et hospitium mihi date!
Si cibum et hospitium mihi datis,
filios vestros artem mean musicam edocebo."
Sed apes negant et culici dicunt,
"Artem nostram filii nostri discere debent,
quae eos a famis et frigoris periculo eximunt!"

This story is based on 698. Culex et Apes.
Culex et Apes

Click here for a SLIDESHOW of all the images in Bewick's Select Fables.
M0698 (not in Perry)

Friday, November 05, 2010

Fabula Facilis: Simiae Saltantes

Rex Aegyptius simias saltare docet.
Simiae saltant, vestibus pulchris ornatae.
Miris modis saltant!
Hoc spectaculum spectatoribus diu placet.
E spectatoribus homo facetus nuces habet.
Nuces in medium iacit.
Simiae nuces vident.
Statim saltandi oblitae sunt!
Vestes dilacerant et pro nucibus inter se pugnant.
Maximus spectatorum risus est!

This story is based on 125. Simiae Saltantes.
Simia Saltans

Click here for a SLIDESHOW of all the Arthur Rackham images.
M0125 Perry463

Monday, November 01, 2010

Fabula Facilis: Simius Glorians et Vulpecula

Simius olim vulpeculae iactat,
"Singularis industria mihi est:
animalium habitūs exprimere possum
et omnes eorum gestūs imitari scio!"
Vulpecula respondet,
"Ego lubens tibi concedo:
nullum animal est,
quod imitari non potes.
Sed tu vicissim mihi concedis:
nullum animal est,
quod te imitari vult."

This story is based on 113. Simius Glorians et Vulpecula.
Vulpes et Simius Superbus

Click here for a SLIDESHOW of all J. M. Conde's color Aesop illustrations. Although this is an illustration for a different fable, I think it fits this one pretty well, too!

M0113 (not in Perry)

Sunday, October 31, 2010

Fabula Facilis: Sorex et Mus

Sorex sonos facit acutos stridulosque.
Sorex stultus de se dicit,
"Quam belle cantito!"
Sorex iactans gestit et sibi plaudet.
Mus tacitus est, et nihil dicit.
Sorex iocose murem carpit,
"Quam tacitus es!
Ego autem semper cantito!"
At mus sorici dicit,
"Tacere debes, si sapiens es."
Tunc mus cavum suum subit.
Mox feles supervenit.
Soricis inepti stridorem audit!
Feles accedit, tacito gressu.
Soricem incautum occupat!
Ita sorex perit,
suo indicio proditus.

This story is based on 215. Sorex et Mus.



M0215 (not in Perry)

Friday, October 29, 2010

Fabula Facilis: Lepus et Vulpes apud Iovem

Lepus et vulpes a Iove munera petunt.
Vulpes Iovi dicit,
"O Iuppiter, celeritatem peto.
Iam callida sum.
Calliditati meae celeritatem adiunge!"
Lepus Iovi dicit,
"O Iuppiter, calliditatem peto.
Iam celer sum.
Celeritati meae calliditatem adiunge!"
Eis Iuppiter ita respondit,
“Ab origine mundi munera omnibus dono.
Liberalissime e sinu nostro haec munera dono.
Singula munera singulis animalibus dono.
Sed uni
donare munera omnia non possum.
Si unus omnia habet, aliorum iniuria est."

This story is based on 175. Lepus et Vulpes apud Iovem.



M0175 (not in Perry)

Tuesday, October 26, 2010

Fabula Facilis: Lepus Cornua Cupiens

Lepus cervum videt.
Cervus magno corpore gloriosus est.
Cervus erectis cornibus gloriosus est.
Lepus suam parvitatem aegre fert.
Ad Iovem adiit.
De humili sua conditione querimoniam facere vult.
Lepus ait Iovi,
“O Iuppiter, creator es et dominus!
Tibi de humili
mea sorte querimonium facio.
Ecce ceterae bestiae!
Diversis Naturae muneribus superbae sunt.
Sed mihi Natura munera non confert,
nisi pedes leves.
Pedes vero ad fugam habiles sunt,
sed cornua pedibus meliora sunt.
Rogo ergo te, Creator!
Per te talia cornua habere volo
qualia cervus habet."
Iuppiter leporem exaudit.
Lepus a Iove cornua recipit.
Nune leporis frons onerata est.
Lepus currere non potest.
Vix repere potest.
Quod lepus rogavit, portare non potest!

This story is based on 163. Lepus Cornua Cupiens.



M0163 Perry658

Monday, October 25, 2010

Fabula Facilis: Lupus Parvulus et Pastor

Pastor lupum parvulum invenit.
Pastor lupum apud se enutrit.
Cum lupus adolescens est,
pastor eum docet oves ex vicinis gregibus rapere!
Lupus hoc optime discit.
Lupus postea pastori ait,
"O pastor, cave!
Me hanc artem rapiendi docuisti,
et mox oves
multas ex tuis gregibus desiderabis!"
This story is based on 77. Lupus Parvulus et Pastor.


ere is an image for the story (image source) showing a young wolf.
M0077 Perry366

Saturday, October 23, 2010

Fabula Facilis: Leo et Unicornis

Leo fingit se infirmum.
Claudicans unicorni obviat.
Unicornis leonis adversarius est.
Leo unicornem salutat et dicit,
“Inimici sumus, sed fiat pax!
Ut vides, ego nulli nocere possum.
Debilitatus sum senio et variis incommodis.
Ante meam mortem cum uxore loqui volo,
sed ea in deserto est,
et longum iter facere debeo.
A te peto: cornu tuum mihi accommoda!
Cornu pro podio in itinere habere volo,
quod cornu tuum satis longum est et forte.
Ad uxorem perveniam et revertar,
et cornu tibi remittam: do fidem meam!”
Unicornis dictis eius omnibus credit,
et leonis confictae miseriae compatitur.
Cornu commodat, et sic inermis remanet.
Leo progreditur et insultum facit in unicornem.
Proprio cornu unicornem graviter vulnerat
et eum devincit.

This story is based on 7. Leo et Unicornis.


Image Source: Wikipedia. This is the lion and the unicorn as shown on the royal coat of arms of the United Kingdom.

M0007 Perry645

Thursday, October 21, 2010

Fabula Facilis: Vipera et Auceps.

Venator quidam viscum et harundines sumit.
Venatum exit.
Turdus in arbore procera considit.
Venator turdum in arbore considentem videt.
Calamos inter se in longitudinem iungit.
Oculos ad turdum levat.
Ipsum capere exoptat.
Sed vipera sub eius pedibus iacet.
Nescius viperam premit!
Vipera exasperata ipsum mordet.
Illa, iamiam deficiens, inquit,
"Me miserum!
Alium venari volui,
sed ab alio ad mortem raptus sum!"


This story is based on 623. Vipera et Auceps.

Auceps et Vipera - Osius

Click here for a SLIDESHOW of all the Osius images. The difference here is that this poor birdcatcher is using a snare instead of bird lime and reeds.

M0623 Perry115

Tuesday, October 19, 2010

Fabula Facilis: Vitis et Hircus.

Ver est,
et vitis folia edit.
Hircus vitis folia arrodit.
Dum hircus hoc facit, vitis ita eum increpat,
"Cur tu mea folia carpis?
Nonne satis superque herbarum?"
Hircus autem vitem depascere pergit.
Vitis inquit,
"Mihi noce quantum potes!
Sed homines te mactabunt,
et ego vini tantum feram,
quantum satis erit ad Diis libandum,
te mactato."

This story is based on 735. Vitis et Hircus.
Hircus et Vitis

Click here for a SLIDESHOW of all the Tenniel-Wolf images.
M0735 Perry374

Sunday, October 17, 2010

Fabula Facilis: Leonis Filius et Homo

Leo filio praecipiebat,
"Noli cum homine depugnare!"
Sed patris dicta filii animum non tangunt.
Filius adolescens in agrum progreditur.
In agro boves videt et rogat,
"Hominesne vos estis?"
Boves respondent,
"Nos homines non sumus.
Homo iugum nobis imponit,
et nos iugum ei portamus."
Tum leo equum videt et rogat,
"Homone tu es?"
Equus inquit,
"Minime! Ego equus, sed homini servio.”
Paulo post, leo rusticum cernit in silva.
Rusticus ligna cuneis findit.
Leo inquit,
"Homo certe es et pugnare mecum debes."
Homo inquit,
"Maxime! Sed prius te quaeso:
Ungulis tuis hanc arborem distrahe."
Fissura in arbore est,
et leo ungulas fissurae incutit.
Leo cuneum dimovet et cuneus excidit,
sed in fissura clausa pedes retenti sunt!
Leo sic captus est!
Omnes vero vires adhibet,
et pedes cruentos de ligno retrahit.
Leo ad suum patrem revertitur et ait,
“Mi pater, pedibus cruentis ad te revertor.
Ungulas amisi, quod monitis tuis non parui!"

This story is based on 10. Leonis Filius et Homo.
Leo et Filius Eius

Click here for a SLIDESHOW of all the images in Bewick's Select Fables.

M0010 Perry706

Friday, October 15, 2010

Fabula Facilis: Vetula Lac ad Forum Portans

Vetula in urceo ad forum lac portat.
Cogitat de futuris et intra se dicit,
"Quomodo dives fieri possum?
De meo lacte tres obolos habebo.
Pullum gallinae emam et nutriam.
Ex ovis multos pullos acquiram.
Pullos vendam, et porcum emam.
Porcum nutriam et pinguis erit!
Illum vendam et inde pullum equinum emam.
Diu ipsum nutriam
et aptus erit equus ad equitandum.
Ipsum ego equitabo.
Ducam eum ad pascua et dicam EI IO IO."
Vetula haec cogitat et pedes movet.
Quasi calcaria in pedibus habens, talos movet.
Prae gaudio manibus plaudit.
Motu pedum et plausu manuum,
vetula urceum frangit!
Lac in terra effundit,
et misera in manibus suis nihil invenit.

This story is based on 859. Vetula Lac ad Forum Portans.
Mulier Lac Portans

Click here for a SLIDESHOW of all the images in Bewick's Select Fables. Admittedly, she does not look like a vetula in this image - she is more of a puella rustica!

M0859 (not in Perry)

Wednesday, October 13, 2010

Fabula Facilis: Socrates et Amici

Socrates parvas aedes sibi fundat.
Quidam ex populo inquit,
"Socrates, vir magnus es!
Quaeso: cur domum tam angustam ponis?"
Socrates respondet,
"Etiam impossibile est
hanc domum angustam
veris amicis implere."

This story is based on 882. Socrates et Amici.

A bust of Socrates (2nd-century copy of a Greek original; source).
M0882 Perry500

Monday, October 11, 2010

Fabula Facilis: Olitor et Canis

Canis in puteum delapsus est.
Olitor canem servare et retrahere cupit.
Olitor ipse in puteum se demittit.
Canis territus est et dicit,
"Quare ad me descendis?
Me nocere cupis!
Me demersum suffocare cupis!"
Canis olitorem dentibus petit et morsu lacerat.
Olitor saucius est.
Cum dolore inquit,
"Fateor: hoc iure mihi accidit.
Canis ipse sibi interitus auctor est.
Cur ego eum servare volui?"

This story is based on 838. Olitor et Canis.
Canis et Olitor

Click here for a SLIDESHOW of all the Croxall images.

M0838 Perry120

Saturday, October 09, 2010

Fabula Facilis: Mercurius et Lignator

Lignator quidam iuxta fluvium laborat.
Securim suam amittit et plorat.
Mercurius hominem miseratus est.
Deus in fluvium descendit.
Securim auream tollit!
Lignatorem rogat,
"An haec securis est tua?"
Lignator vero dicit,
"Securis mea aurea non est!
Haec securis mea non est."
Mercurius iterum descendit.
Securim argenteam tollit!
Lignator vero dicit,
"Securis mea argentea non est!
Haec securis non est mea."
Deus tertio descendit et lignatoris securim tollit.
Lignator dicit,
"Haec est securis mea!"
Mercurius ipsius aequitatem probat.
Secures omnes ei donat!
Ille sociis omnia narrat.
Sociorum unus quidam ad fluvium venit.
Consulto securim suam in fluvium demittit.
Tunc iuxta fluvium sedet et plorat.
Mercurius igitur et illi apparet.
Mercurius similiter descendit.
Securim auream tollit et rogat,
"An haec securis tua est?"
Ille cum gaudio dicit,
"Vere haec securis mea est!"
Deus tantam impudentiam perodit!
Non solum securim auream detinet,
sed ne propriam quidem reddit.

This story is based on 781. Mercurius et Lignator.
Lignator et Mercurius

Click here for a SLIDESHOW of all the Aesop 1660 images.
M0781 Perry173

Thursday, October 07, 2010

Fabula Facilis: Arbor Secundum Viam

Arbor secundum viam stat.
Nuces multas fert.
Homines praetereunt, et arborem vident.
Arborem saxis et fustibus impetunt.
Nuces decidunt, et homines eas carpunt.
Arbor exclamat,
"Me infelicem!
Homines nuces iucundas ex me percipiunt,
sed gratias tam acerbas referunt!"

This story is based on 717. Arbor Secundum Viam Sata.
Nux (1550)

Click here for a SLIDESHOW of all the Alciato images.

M0717 Perry250

Tuesday, October 05, 2010

Fabula Facilis: Lupus et Pastorum Convivium.

Pastores ovem caedunt.
Convivium celebrant!
Lupus pastores cernit, ovem comedentes.
Lupus inquit,
"Si ego agnum rapio, magnus tumultus est.
Sed isti pastores impune ovem comedunt."
Tum pastorum unus lupo inquit,
"Nos nostram ovem comedimus.
Tu, lupe, ovem alienam comedere vis."

This story is based on 84. Lupus et Pastorum Convivium.
1006 Lupus et Pastores

Click here for a SLIDESHOW of all the Grandville images.
M0084 Perry453

Sunday, October 03, 2010

Fabula Facilis: Pisces, Magni et Minuti.

Piscator sagenam in altum iacit.
Sagenam tunc extrahit, obsonii varii refertam.
Sed pisces minuti in altum effugiunt.
E rete multiforo clam elabuntur!
Sed pisces magni captivi sunt.
In navicula extenti iacent.
Fabula docet:
Parvitas salus est.
Si parvus es, res malas effugere potes.
Si magnus est, raro periculum effugere potes.

This story is based on 581. Pisces, Magni et Minuti.
Pisces Magni et Minuti

Click here for a SLIDESHOW of all the images from the 1484 Directorium Humanae Vitae.
M0581 Perry282

Friday, October 01, 2010

Fabula Facilis: Formicae et Cicada

Formicae providae sunt.
In aestate, fruges humectatas siccant.
In hieme, has fruges siccatas comedunt.
Cicada provida non est.
In aestate cantat, sed cibum non quaerit.
In hieme, cibum non habet et esuriens est.
Cicada formicas adit et rogat,
"Paululum cibi mihi impertite!"
Formicae cicadae inquiunt,
"In aestate cibum quaerendum est!
Quid faciebas tu in aestate?"
Cicada inquit,
"In aestate cantabam.
Non vacabat cibum quaerere."
Tum formicae inquiunt,
"Si in aestate cantabas, in hieme saltare debes."

This story is based on 652. Formicae et Cicada.
Formica et Cicada

Click here for a SLIDESHOW of all the Bennett images.
M0652 Perry373

Wednesday, September 29, 2010

Fabula Facilis: Musca et Quadrigae.

Quadrigae in stadio currunt.
Musca in quadrigis insidet.
Magnus pulvis est:
Equorum pedum pulsus pulverem facit.
Rotarum volutatio pulverem facit.
Magna pulveris vis est!
Musca tunc dicit:
"Quam magnam vim pulveris excito!"

This story is based on 680. Musca et Quadrigae.
Musca et Quadrigae

Click here for a SLIDESHOW of all the 1590 Aesop images.
M0680 Perry724

Monday, September 27, 2010

Fabula Facilis: Viatores Duo et Latro

Viatores duo simul iter faciunt.
Viator unus marsupium reperit.
Marsupium aureis plenum est!
Alter viator ei inquit,
"Eia! Marsupium nobis in commune!"
Sed ille respondet,
"Tibi nullam lucri partem dare possum.
Iure totum meum est.
Ego ipse unus marsupium inveni,
et totum mihi reservandum est."
Interea latro armatus eis occurrit.
Tunc nummorum possessor alteri ait,
"Eia! Dexteram confer!
Latronis vim vi repellere debemus.
Latro unus nos duos vincere non potest."
At alter respondet:
"Tibi periculum est, non mihi.
Quid latro mihi abripere potest?
Vacuus sum; nummos nullos habeo
.
Tu solus totum bonum voluisti,
Iure nunc solus malum ferre debes."

This story is based on 918. Viatores Duo et Latro.

Viatores et Sacculus

Click here for a SLIDESHOW of all the Milo Winter images.
M0918 (not in Perry)

Saturday, September 25, 2010

Fabula Facilis: Arbores et Homo.

Homo securim facit,
sed manubrium non habet.
Manubrium ab arboribus postulat.
"O arbores, lignum firmum mihi date!"
"Manubrium firmum facere volo!"
Arbores ei lignum firmum dant.
Homo lignum sumit et manubrium facit.
Manubrium securi aptat.
Ramos arborum incidit.
Robora magna incidit.
Omnia quae vult incidit!
Tunc quercus fraxino ait,
"Digne et bene patimur!
Hostis manubrium rogavit,
et nos dedimus.
Vae nobis caecis!"
Fabula docet:
Primo cogita!
Noli arma hosti praestare!


This story is based on 725. Arbores et Homo.
Arbores et Securis

Click here for a SLIDESHOW of all the Crane images.
M0725 Perry302

Thursday, September 23, 2010

Fabula Facilis: Accipiter, Milvus, et Columbae

Columbae milvum metuunt.
Accipitrem rogant,
"O accipiter, nos defende!"
Accipiter annuit,
et columbam eum in columbare recipiunt.
Sed accipiter magnam stragem edit.
Uno die, accipiter plures columbas necat
quam milvus longo tempore.
Fabula docet:
malorum patrocinium vitandum est!

This story is based on 423. Accipiter, Milvus, et Columbae.
Milvus et Columbae - Osius

Click here for a SLIDESHOW of all the Osius images.
M0423 Perry486

Monday, September 20, 2010

Fabula Facilis: Aquila et Testudo

Testudo aquilam magnopere orat,
"Me doce volare!"
Aquila respondet,
"Rem petis
naturae tuae contrariam.
Alas non habes:
quomodo volare potes?"
Testudo autem aquilam obsecrat,
"Me volucrem fac!
Te rogo atque oro!"
Aquila igitur testudinem ungulis arripit.
Testudinem tollit in sublime et ibi demittit.
Testudo per aera brevi fertur,
sed in rupes decidit
et, comminuta, interit.

This story is based on 407. Aquila et Testudo.
Aquila et Testudo

Click here for a SLIDESHOW of all the Tenniel-Wolf images.
M0407 Perry230

Sunday, September 19, 2010

Fabula Facilis: Capra in Rupe Stans et Lupus

Capra in alta rupe stat.
Lupus capram videt.
Lupus caprae dicit,
“Cur non relinquis illa loca, nuda et sterilia?
Huc
descende, in herbidos campos.
Tibi laetum pabulum offerunt.”
Capra lupo respondet,
“Ego ista dulcia tutis praeponere nolo.”

This story is based on 322. Capra in Rupe Stans et Lupus.

Lupus et Caper

Click here for a SLIDESHOW of all the Arthur Rackham images.
M0322 Perry157

Wednesday, September 15, 2010

Fabula Facilis: Mustela et Homo

Dum mustela mures apprehendit,
homo eam capit.
Mustela fugere vult, sed non potest.
Homini inquit,
"O homo, te rogo: mihi parce!
Ego molestos mures capio
et domum tuam expurgo."
At homo inquit,
"Haec non facis causa mea.
Si pro me haec
facis, gratam te habeo.
Sed pro me haec non facis,
et veniam non promeres.
Mures reliquias nostras rodere volunt,
sed tu mures necas et reliquias comedis tu,
totum devorans et omnia tecum deportans.
Noli mihi deputare beneficium."
Homo sic mustelae dicit,
et eam morti tradit.
Si fallaciter famulatur, male remuneratur.

This story is based on 193. Mustela et Homo.

mustela et homo


Click here for a SLIDESHOW of all the colored Steinhowel images.

M0193 Perry293