Monday, May 23, 2011

Fabula Facilis: Mercurius, Homo, et Formicae


Olim navis demergitur,
cum navigantibus omnibus.
Homo, tantam cladem videns, dicit,
"Quam iniusti Dii omnes sunt!
Nimirum scelesti unius causā,
qui forte navem conscenderat,
eodem casu permulti pereunt,
sed criminis expertes sunt."
Dum ille haec dicit,
omnia secum repetens iterum iterumque,
circa eum venit
ingens formicarum multitudo;
formicae ore trahunt glumas triticeas
quae illic forte aderant.
Una formicarum hominem mordet,
et homo illico formicas omnes conculcat.
At Mercurius tunc ei apparet!
Deus eum virga percutit et dicit,
"Posthac te hoc scire oportet:
nos tales hominum iudices sumus,
qualis tu iudex es formicarum."

This story is based on 784. Mercurius, Homo, et Formicae.


Mercurius - Mercury
homo - person, man
et - and
formica - ant
olim - once, once upon a time
navis - ship
demergo - sink, submerge
cum - with, together with
navigo - sail, journey on a ship
omnis - all, every
tantus - so great, so much
clades - disaster, ruin, calamity
video - see
dico - say
quam - how
iniustus - unjust, unfair
deus - god
sum - be, exist
nimirum - no wonder, doubtless
scelestus - criminal, wicked
unus - one
causa - cause, reason
qui - who, which, that
forte - by chance
conscendo - get onto, board
idem - same
casus - chance, accident
permultus - very many
pereo - perish, die
sed - but
crimen - crime, evil deed
expers - free from, having no part in
dum - while
ille - that, that one
hic - this
se - reflexive pronoun
repeto - return, repeat, recall
iterum - again, a second time
circa - around
is - he/she/it
venio - come
ingens - huge
multitudo - large number, multitude
os - mouth
traho - drag, carry
gluma - husk
triticeus - wheat, made of wheat
qui - who, which, that
illic - to that place, thither
adsum - be present
mordeo - bite
et - and
illico - immediately, on the spot
conculco - trample underfoot
at - but
tunc - then
appareo - appear, show up, serve
virga - rod, wand
percutio - strike, hit
posthac - after this, hereafter, in the future
tu - you
scio - know
oportet - it is right, proper
nos - we, us
talis - such, that sort of
iudex - judge
qualis - such, what sort of
M0784 Perry306

No comments: