Fabula Facilis: Musca et Quadrigae.

Quadrigae in stadio currunt.
Musca in quadrigis insidet.
Magnus pulvis est:
Equorum pedum pulsus pulverem facit.
Rotarum volutatio pulverem facit.
Magna pulveris vis est!
Musca tunc dicit:
"Quam magnam vim pulveris excito!"

---

This story is based on 680. Musca et Quadrigae.

---

---

Click here for a SLIDESHOW of all the 1590 Aesop images.

---

M0680 Perry724

Fabula Facilis: Viatores Duo et Latro

Viatores duo simul iter faciunt.
Viator unus marsupium reperit.
Marsupium aureis plenum est!
Alter viator ei inquit,
"Eia! Marsupium nobis in commune!"
Sed ille respondet,
"Tibi nullam lucri partem dare possum.
Iure totum meum est.
Ego ipse unus marsupium inveni,
et totum mihi reservandum est."
Interea latro armatus eis occurrit.
Tunc nummorum possessor alteri ait,
"Eia! Dexteram confer!
Latronis vim vi repellere debemus.
Latro unus nos duos vincere non potest."
At alter respondet:
"Tibi periculum est, non mihi.
Quid latro mihi abripere potest?
Vacuus sum; nummos nullos habeo.
Tu solus totum bonum voluisti,
Iure nunc solus malum ferre debes."

---

This story is based on 918. Viatores Duo et Latro.

---

---

Click here for a SLIDESHOW of all the Milo Winter images.

---

M0918 (not in Perry)

Fabula Facilis: Arbores et Homo.

Homo securim facit,
sed manubrium non habet.
Manubrium ab arboribus postulat.
"O arbores, lignum firmum mihi date!"
"Manubrium firmum facere volo!"
Arbores ei lignum firmum dant.
Homo lignum sumit et manubrium facit.
Manubrium securi aptat.
Ramos arborum incidit.
Robora magna incidit.
Omnia quae vult incidit!
Tunc quercus fraxino ait,
"Digne et bene patimur!
Hostis manubrium rogavit,
et nos dedimus.
Vae nobis caecis!"
Fabula docet:
Primo cogita!
Noli arma hosti praestare!

---

This story is based on 725. Arbores et Homo.

---

---

Click here for a SLIDESHOW of all the Crane images.

---

M0725 Perry302

Fabula Facilis: Accipiter, Milvus, et Columbae

Columbae milvum metuunt.
Accipitrem rogant,
"O accipiter, nos defende!"
Accipiter annuit,
et columbam eum in columbare recipiunt.
Sed accipiter magnam stragem edit.
Uno die, accipiter plures columbas necat
quam milvus longo tempore.
Fabula docet:
malorum patrocinium vitandum est!

---

This story is based on 423. Accipiter, Milvus, et Columbae.

---

---

Click here for a SLIDESHOW of all the Osius images.

---

M0423 Perry486

Fabula Facilis: Aquila et Testudo

Testudo aquilam magnopere orat,
"Me doce volare!"
Aquila respondet,
"Rem petis
naturae tuae contrariam.
Alas non habes:
quomodo volare potes?"
Testudo autem aquilam obsecrat,
"Me volucrem fac!
Te rogo atque oro!"
Aquila igitur testudinem ungulis arripit.
Testudinem tollit in sublime et ibi demittit.
Testudo per aera brevi fertur,
sed in rupes decidit
et, comminuta, interit.

---

This story is based on 407. Aquila et Testudo.

---

---

Click here for a SLIDESHOW of all the Tenniel-Wolf images.

---

M0407 Perry230

Fabula Facilis: Capra in Rupe Stans et Lupus

Capra in alta rupe stat.
Lupus capram videt.
Lupus caprae dicit,
“Cur non relinquis illa loca, nuda et sterilia?
Huc descende, in herbidos campos.
Tibi laetum pabulum offerunt.”
Capra lupo respondet,
“Ego ista dulcia tutis praeponere nolo.”

---

This story is based on 322. Capra in Rupe Stans et Lupus.

---

---

---

Click here for a SLIDESHOW of all the Arthur Rackham images.

---

M0322 Perry157

Fabula Facilis: Mustela et Homo

Dum mustela mures apprehendit,
homo eam capit.
Mustela fugere vult, sed non potest.
Homini inquit,
"O homo, te rogo: mihi parce!
Ego molestos mures capio
et domum tuam expurgo."
At homo inquit,
"Haec non facis causa mea.
Si pro me haec facis, gratam te habeo.
Sed pro me haec non facis,
et veniam non promeres.
Mures reliquias nostras rodere volunt,
sed tu mures necas et reliquias comedis tu,
totum devorans et omnia tecum deportans.
Noli mihi deputare beneficium."
Homo sic mustelae dicit,
et eam morti tradit.
Si fallaciter famulatur, male remuneratur.

---

This story is based on 193. Mustela et Homo.

---

---

Click here for a SLIDESHOW of all the colored Steinhowel images.

---

M0193 Perry293

Fabula Facilis: Simius Rex et Vulpes

In brutorum animalium corona, simius saltat.
In hac re, simius se mirifice atque egregie fert,
et animalia eum extemplo regem declarant.
Vulpes simio invidet.
Postea, vulpes laqueum alicubi videt,
et in laqueo carnes suppositae sunt.
Vulpes simium illuc adducit, et inquit,
"Has carnes ego repperi.
Iuxta leges, eas mihi non sumo.
Ego carnes servo, muneri tibi debitas.
Te hortor, O rex: carnes tuas cape!"
Tum simius inconsulto accedit,
et laqueo irretitur.
Simius irretitum se sentit,
et vulpem incusat,
"Tu dolosa es, et insidiosa."
Vulpes vero ei inquit,
"Ad talem dignitatem Fortuna evectus es,
sed quomodo animalibus dominari potes?"
Si res inconsiderate accedis,
praeter calamitates, deridiculus etiam eris.

---

This story is based on 116. Simius Rex et Vulpes.

---

---

Click here for a SLIDESHOW of all the Bewick images.You can see the other animals off in the distance to the left.

---

M0116 Perry081

Fabula Facilis: Ovis, Cervus, et Lupus

Cervus modium tritici ovem rogat,
et lupus cervi sponsor est.
At ovis dolum praemetuit, et cervo dicit,
"Cum dies advenit et triticum reposco,
ubi vos requiro?
Lupus semper rapit et abit,
et tu de conspectu fugis veloci impetu!"

---

This story is based on 298. Ovis, Cervus, et Lupus.

---

---

Click here for a SLIDESHOW of all the Osius images.

---

M0298 Perry477

Fabula Facilis: Mures, Feles, et Tintinnabulum

Feles mures continuo invadit et occidit.
Mures dicunt,
"Quid facere possumus, ut tuti simus?"
Mures singuli multa proponunt,
sed nihil placet.
Postremo unus dicit,
"Tintinnabulum feli annectere debemus.
Tum, si feles venit,
statim audimus et facile effugimus."
Omnes mures laeti sunt, et exclamant,
"Consilium optimum est,
et consilii auctor valde prudens est!"
Consilii auctori tunc dicunt,
"Iam annecte tu tintinnabulum!"
Ille respondet,
"Ego vero consilium vobis do;
alius operam sumere debet."
Consilium igitur irritum est:
nemo feli tintinnabulum annectere vult.
Dictum citius quam factum.

This story is based on 206. Mures, Feles, et Tintinnabulum.

---

---

Click here for a SLIDESHOW of all the Barlow images. Look closely and you can see the bell there where the mice are!

---

M0206 Perry613

Fabula Facilis: Mus et Rana, Decertantes

Post longe exercita odia,
mus et rana in bellum ruunt.
Quid est causa certaminis?
Certant de paludis imperio!
Anceps pugna est.
Mus insidias sub herbis struit;
improviso Marte, ranam adoritur.
Rana viribus melior est,
pectore et insultu valens;
confidenter hostem aggreditur.
Hasta iuncea utrique est,
nodis paribus formosa.
Sed procul milvus certamen videt,
et adproperat.
Dum mus et rana egregie pugnant
et prae pugnae studio sibi non cavent,
milvus bellatores ambos secum attolit,
et laniat.

---

This story is based on 198. Mus et Rana, Decertantes.

---

---

Click here for a SLIDESHOW of all the Barlow images. Notice how the mouse is riding a weasel as his steed, and the frog is riding a lobster. Quite a battle!

---

M0198 Perry384

Fabula Facilis: Lupus et Puer Mendax

Vocabula

Puer mendax patris gregem pascit.
Hic puer libenter alios ludificatur.
Aliquando ingentem clamorem tollit,
"Auxilio venite; lupus adest!"
Rustici propere accurrunt,
et puer eos ridet.
Proximo mense,
puer hunc dolum repetit.
Paulo post, re vera lupus apparet.
Iam rursus clamat,
"Auxilio venite; lupus adest!"
At nemo accurrit.
Maiore voce clamat, lacrimat, eiulat;
frustra omnia.
Rustici dicunt,
"Tertium nos decipere vult."
Ita lupus in gregem irrumpit
et plurimas oves dilaniat.

---

This story is based on 76. Lupus et Puer Mendax.

---

---

Click here for a SLIDESHOW of all the Tenniel-Wolf images.

---

lupus - wolf
et - and
puer - boy
mendax - lying, liar
pater - father
grex - flock
pasco - graze
hic - this, this one
libenter - willingly, gladly
alius - other, another
ludificor - make fun of, toy with
aliquando - sometime, at any time
ingens - huge, enormous
clamor - outcry, shouting
tollo - raise
auxilium - help
venio - come
adsum - be present, be here
rusticus - rural, farmer
propere - quickly, speedily
accurro - run, run to
is - he/she/it
rideo - laugh, mock
proximus - next
mensis - month
dolus - trick, treachery
repeto - repeat
paulo - by a little bit, a little
post - afterwards, later
res - thing, business
verus - true, real
appareo - appear, show up
iam - now
rursus - again
clamo - shout
at - but
nemo - no one, nobody
maior - bigger, greater, louder
vox - voice
lacrimo - weep, cry
eiulo - lament, wail
frustra - in vain
omnis - all, every
dico - say, speak
tertius - third
nos - we, us
decipio - deceive, trick
volo - want, will, wish
ita - thus, so
irrumpo - burst in, invade
plurimus - many
ovis - sheep
dilanio - tear to pieces, mangle

---

M0076 Perry210

Fabula Facilis: Mures Felem Contemplantes

Mures complures in parietis cavo commorantur.
Feles in tabulato recumbit,
capite demisso et vultu tristi.
Mures felem contemplantur.
Tunc unus ex muribus inquit,
"Hoc animal benignum mihi videtur,
et admodum mite.
Sanctimoniam quandam vultu ipso praefert.
Volo ipsum alloqui
et cum eo nectere indissolubilem amicitiam."
Mus propius accedit,
et feles eum capit et dilacerat.
Tunc mures ceteri haec vident
et secum dicunt,
"Vultui credendum non est!
Nulli profecto temere credite!"

---

This story is based on 204. Mures Felem Contemplantes.

---

Here is the audio; the Flash-based player will not work on the iPad but you can subscribe to the iPadio podcast directly.

---

---

Click here for a SLIDESHOW of all the Grandville images.

---

M0204 (not in Perry)

Fabula Facilis: Asinus, Gallus, et Leo

Vocabula

Gallus cum asino pascitur;
leo autem asinum invadit.
Gallus exclamat,
et leo fugere incipit,
nam leones galli vocem timent.
Asinus dicit,
"Leo propter me fugit!
Ego leonem nunc invadam!"
Asinus sic leonem persequitur.
Tunc, procul a gallicinio,
leo convertitur et asinum devorat.
Asinus, moriens, clamat,
"Iusta patior!
Ex pugnacibus parentibus non natus sum.
Quamobrem in aciem irrui?"

---

This story is based on 235. Asinus, Gallus, et Leo.

---

---

Click here for a SLIDESHOW of all the Medici Aesop images. You can read the whole story from right to left: first the rooster, then the donkey chasing the lion, then the donkey being eaten by that same lion!

---

asinus - donkey
gallus - rooster
et - and
leo - lion
cum - with, together with
pascor - feed, graze
autem - but, however
invado - attack
exclamo - cry out
fugio - flee, run away
incipio - begin
nam - for, because
vox - voice, sound
timeo - fear
dico - say, speak
propter - on account of
ego - I, me
nunc - now
sic - in this way, thus
persequor - pursue, chase
tunc - then
procul - far, at a distance
a - from
gallicinium - cock-crow
convertor - turn, turn around
devoro - devour, consume
morior - die
clamo - shout
iustus - just, right
patior - suffer, endure
ex - from, out from, out of
pugnax - fighting, pugnacious
parens - parent, mother, father
non - not, no
nascor - be born
quamobrem - for what reason, why
in - in, into
acies - battle line, battle
irruo - rush into

---

M0235 Perry082